انواع طواحين القهوة

إذا كنت من الناس اللي ما يقدرون يبدأون يومهم بدون كوب قهوة مضبوط، فاختيار انواع طواحين القهوة المناسبة لك يعتبر خطوة أساسية. الطحن الصحيح يعطيك نكهة أقوى وألذ، سواء كنت تستخدم Chemex، فرنش بريس، أو حتى قهوة سعودية. في هالمقال، بنساعدك تختار أفضل مطحنة قهوة تناسب احتياجاتك، ونعطيك نصائح عشان تضبط قهوتك على أصولها.

ليش اختيار مطحنة القهوة مهم؟

القهوة، زيها زي أي شي ثاني، كل ما كانت طازجة أكثر، كان طعمها افضل. لما تطحن حبوب القهوة بنفسك، تضمن إن الزيوت الطبيعية والنكهات ما تضيع قبل لان البن زي الكبسولة اللي تحفظ النكهات ومن اول ماتطحن خلال ساعات تفقد خواصها ونكهاتها. عشان كذا، وجود مطحنة قهوة في مطبخك بيخلي كل كوب قهوة تحضره مميز ويفرق بشكل كبير في الطعم.

أنواع طواحين القهوة

قبل ما نخش في التفاصيل، لازم تعرف إن فيه نوعين رئيسيين من مطاحن القهوة:

• مطحنة الشفرات (Blade Grinder): هذا النوع ممكن اكثر نوع شفته وانت صغير والوالدة تجهز فيها قهوة سعودية بلونها البرتقالي المميز. الشفرات تقطع حبوب القهوة بشكل عشوائي، لكن المشكلة إنها ممكن تطلع لك قوام متفرق وماتكون بنفس المستوى. يعني القهوة ممكن تطلع مو بنفس القوام كل مرة. ولكن، إذا تحب القهوة السعودية فهذي افضل خيار لك سريع وسهل ورخيص، ولكن لازم تضيف كميات قليلة من القهوة وتحرص انها ترتاح بين الطحنة والثانية لان الشفرات تحتر والحرارة ممكن تأثر على جودة القهوة ولكن هذي المطحنة اثبتت نفسها عبر السنين.

وحدة من افضل مطاحن الشفرات تحصلها على أمازون السعودية: مطحنة السيف قهوة سعودية

• مطحنة الأحجار او المخروطية (Burr Grinder): هذي هي الخيار الأفضل إذا كنت تحب شغل المقاهي. الأحجار او الشكل المخروطي يطحن الحبوب بشكل متساوي، وهذا يعطيك نكهة أعمق وألذ. فيها درجات طحن مختلفة، عشان تقدر تضبط الطحن حسب نوع القهوة اللي تحبها، سواء كانت ناعمة للإسبرسو أو خشنة للفرينش بريس. وانصحك بانكور وحدة من افضل الطواحين وسعرها متوسط ومن تجربه ادائها لايعلى عليه ولو تلاحظ تحصل بعض محلات القهوة المختصة الصغيرة يستخدمونها مع ذلك سعرها متوسط ومقدور عليه وتعطيك اداء ثابت.

مطحنة مخروطية اينكور على أمازون السعودية: Baratza Encore Coffee Grinder

نصائح لاختيار مطحنة القهوة المناسبة لك

1. حدد نوع القهوة اللي تحبها: إذا كنت من عشاق الإسبريسو، بتحتاج مطحنة تعطيك طحن ناعم ودقيق. أما إذا كنت تفضل القهوة المقطرة أو الفرنش بريس، فبتحتاج مطحنة تعطيك طحن خشن ومتساوي.
2. فكر في الميزانية: ميزانيتك بتحدد نوع المطحنة اللي تختارها. مطاحن الشفرات أرخص لكنها ما تعطيك نفس الجودة اللي تعطيك إياها مطاحن الأحجار او المخروطية (اسمها burr بالانجليزي وماحصلنا ترجمة تناسبها) . إذا كنت جاد في موضوع القهوة، استثمر في مطحنة أحجار، لأنها بتخدمك لفترة أطول وتضبط لك القهوة بشكل أفضل.
3. سهولة التنظيف: ما أحد يحب التنظيف، صح؟ عشان كذا، اختار مطحنة سهلة التنظيف وما فيها زوايا صعبة توصّل لها. مطاحن الأحجار عادة تكون أسهل في التنظيف لأنك تقدر تفك أجزاءها وتنظفها بدون مشاكل.
4. الحجم والمساحة: قبل ما تشتري، تأكد من مساحة مطبخك. بعض المطاحن حجمها كبير وتحتاج مساحة مناسبة، بينما بعضها صغير ويناسب أي مطبخ. فكر وين بتحطها قبل ما تقرر.

قد يهمك ايضأ: كيف تحضر قهوة ولا أروع باستخدام Chemex – وتوفر فلوسك الفلوس

كيف تحافظ على مطحنة القهوة؟

• نظفها بانتظام: بقايا القهوة ممكن تأثر على النكهة، فحافظ على المطحنة نظيفة.
• استخدم حبوب قهوة جيدة: الحبوب الطازجة والجودة العالية تعطيك نكهة أحسن وتقلل من مشاكل الصيانة.
• افحص الأحجار أو الشفرات: تأكد إنها بحالة جيدة وما فيها تآكل، عشان الطحن يكون دائمًا مضبوط.

الخلاصة

مطحنة القهوة هي استثمار ذكي لكل محب للقهوة. باختيارك مطحنة مناسبة، تقدر تضمن إن كل كوب قهوة تحضره في البيت يكون بنفس جودة القهوة اللي تحبها من المقهى المفضل لك. سواء كنت تفضل مطحنة الشفرات أو الأحجار، الأهم إنك تختار اللي تناسب احتياجاتك وتساعدك تستمتع بأفضل طعم قهوة كل صباح.