في وسط زحمة مطاعم البرجر اللي تتسابق على الحجم والمظهر، برجر إيرلين Erleen’s قرر يأخذ مسار مختلف… مسار النكهة الصادقة والبسيطة اللي تركز على الطعم قبل كل شيء.
برجر إيرلين Erleen’s ما هو مجرد مطعم برجر، هو عودة صريحة لزمن البرجر الأمريكي الكلاسيكي لكن بطريقة مدروسة تناسب الذوق المحلي. المكان يقدّم لك تجربة تركز على الجودة والنكهة، بدون مبالغة ولا استعراض.
photo by @erleensburger. on instagram
البرجر عندهم معمول بطريقة الـSmash Burger، حيث تُشكّل شريحة اللحم الطازج وتُضغط على الصاج الحار لتكون الحواف مقرمشة والوسط طري وعصير. اللحم مختار بعناية—تركيبة متوازنة بين الدهن واللحم (75/25)، تعطيك نكهة غنية تحس معها كأنك تأكل قطعة لحم، مش مجرد مفروم. الخبز من نوع خبز البطاطس الطري، محمّص من الداخل بزبدة خفيفة علشان يحافظ على الطراوة من الخارج والقرمشة من الداخل. و جبنة أمريكية أصلية، تذوب على اللحم وهو على الصاج، بشكل يخليها جزء من البرجر، مو مجرد إضافة. الصوص عندهم له بصمة، يجمع بين الحلاوة الخفيفة والملوحة ولمسة حموضة خفيفة، يعطيك طعم متوازن، يكمّل البرجر بدل ما يغطي عليه.
قصة برجر إيرلين Erleen’s
المطعم يحمل اسم “Erleen”، وهي صاحبة المشروع، كانت شرارة انطلاقتها من البيت كانت تعمل كمدبرة منزل عند إحدى الاسر وكانت تبدع في البرجر لدرجة إن كل من جربه يمدحه فقررت الاسرة السعودية دعمها ونقل شغفها بالبرجر من الهواية إلى مشروع جاد في الرياض. كان الحماس جارٍ قبل الافتتاح، حيث عملت على خلق وصفة برجر تتميز بالبساطة والجودة وهذا ما لاقى صدى واسع عند الإطلاق يعني Erleen ما اكتفت بنسخ مفهوم البرجر… بل دخلت السوق برسالة واضحة: جودة لحم طازج، خبز محمص، جبنة تذوب بالصاج، وصوص موازن، كل هذا من إيمانها أن البرجر الجيد ينبع من البساطة، ما من زوائد.
المطعم حالياً يفتح من 7:30 مساءً ويقفل حتى نفاذ الكمية . موقعهم بحي المصيف
photo by @erleensburger. on instagram
فلسفة Erleen’s
- إرادة شخصية: المشروع مبني على شغف Erleen وتجربتها الذاتية في عالم البرجر.
- طعم متوازن: لا يرغب في براقة اللحظة، بل في نكهة تدوم في الذاكرة.
- تركيز على الأساسيات: اللحم، الجبن، الخبز، والصوص — لا تشتت في إضافات كثيرة.
أجواء المكان: تصميم بسيط وجلسات مريحة كأنك داخل داينر أمريكي بطابع حديث ما فيه مبالغة في الديكور… كل التركيز على الطعم.
مطعم برجر إيرلين Erleen’s موجود في حي المصيف بمدينة الرياض، ويعتبر وجهة لعشاق البرجر الكلاسيكي
برجر إيرلين Erleen’s هو قصة نجاح حقيقية من حلم بسيط تتبناه صاحبة المشروع، إلى واجهة تفتخر بها الرياض كوجهة لكل من يقدّر البرجر الكلاسيكي الأصيل.
قد يهمك برجر هنش : سموكي برجر الحطب
photo by @erleensburger. on instagram
قائمة الطعام والاسعار
- برجر إيرلين
- برجر جوسي: 26 ريال
- نقتس البيت: 13 ريال
- بطاطس البيت: 9 ريال
- كولا:
photo by @erleensburger. on instagram
ماذا قالوا عن برجر إيرلين
1- مستحيل اتخطى الطعم اللحم لذيذ والدجاج لذيذ والنقتس لذيذ
2- محل جميل والوانه تشرح الصدر وطعم البرقر جداً لذيذ البطاطس بالبهارات عجيب النقت خيال الصوص ضروري تاخذونه شكراً إيرلين برقر على هذا الابداع
3- مكان جميل ونظيف، والبرغر كان لذيذ ويشبه أكل البيت. حبيت إن فيه لمسة عائلية تعطي شعور بالدفء. القصة ورا المشروع ملهمة، وأتمنى لهم كل التوفيق والنجاح.
4- مطعم لذيذ، جودة الأكل ممتازة والسعر مناسب. أعجبني طعم اللحم وطراوة الخبز. المكان نظيف ومرتب، والخدمة سريعة وطاقم العمل محترم وبشوش. أنصح بتجربته، وإن شاء الله أكرر الزيارة
5- لذيذ مره ذقت اللحم والدجاج واحد الذ من الثاني
6- تجربة جميلة وبرجع للمطعم عشان سببين: ١- تعامل صاحب المكان الراقي ٢- برقر اللحم. الدجاج حلو بعد بس أنا من تيم اللحم
7- صار ادمااااااااااااني الجديد جيته يومين على التوالي الصراحه الله يوفقهم نشوف تعبهم الصراحه البرجر لذيذ فخوريييين
8- انا من عشاق برقر اللحم و برقرهم خ ر ا ف ي يا جماعه انصح فيه وبقوه لا يفوتكم ، الدجاج حلو ،اما البطاطس البطاطس اللي نعرفه لكن وزنيته رهيبة الملح الزيت كلشي بيرفكت المطعم له خمس ايام فاتح على كلام اللي بالمحل ويستااااهل الزيارة …
الموقع
الرياض ، المصيف، شارع الحسين بن علي
