ماك و انزي إذا كنت تدور تجربة مطعم غريب جداً وغامض يجمع بين اللذة والغرابة بنفس الوقت ، احجز طاولتك في ماك و انزي في الرياض.
يقع ماك و انزي الذي تديره عائلة في مجمع ريفين، وهو مختلف عن أي مطعم آخر زرته . تخيل أن عليك أن ترن الجرس للدخول، وما إن تدخل المكان بيلفت انتباهك الضوء الخافت، والتصميم الغريب.
قصة ساحرة يقوم عليها ماك و انزي هو مطعم لعائلة وشيف كان يطبخ برجر خاص بالعائلة وقالوا له عطنا وصفة البرجر بنسوي مطعم لكنه رفض يعطيهم الوصفة . وفي يوم من الايام لقوا الشيف مقتول واللي قاتله واحد من العائلة ولقوا وصفة البرجر موجودة بالمكتب حقه وبعد 100 سنة افتتحوا اول مطعم بالعالم في الرياض
يزين المطعم بصور وتذكارات تصور هذه العائلة الخيالية، مما يضيف درجة إضافية من الغموض إلى تجربتك في تناول الطعام.
أما الديكور جو غامض فهو يمزج بين الحداثة والغموض، مع لمسات من السحر مثل الأطباق المُزينة بالهياكل العظمية التي ترتدي التيجان.
قائمة تضم طبقاً رئيسياً واحداُ! برجر واقيو وفرايز وسلطة و خبز
photo by @macandenzi.sa.on instagram
قد يهمك برجر هنش : سموكي برجر الحطب
المنيو والاسعار
برجر العائلة … السعر 78 ريال
للتحلية
بان بردو … السعر 36 ريال
المشروبات
كوكاكولا … السعر 10 ريال
photo by @macandenzi.sa.on instagram
ماذا قالوا عن ماك و انزي
1- ⭐️⭐️⭐️⭐️⭐️
في اعتقادي من افضل اماكن البرجر في الرياض.. المينيو فيه طلب واحد فقط.. ويقدمون سلطة جميييله مع كل طلب. الجو العام للمكان جميل وأنيق وتعامل الموظفين راقي جداً. انصح فيه وبقوة الله يعطيهم العافية، keep up the good work!
2- ⭐️⭐️⭐️⭐️⭐️
تجربة مره جميلة واجواء حلوه وبرضو يشرحون لك عن قصة شيف المطعم بطريقة جميلة . طبعاً المنيو ما فيه الى وجبة وحده تجي برجر وبطاطس وخبز وسلطة وصوص سعرها ب 78 ريال . تقييمي للوجبة مره حلوه والصوص حقهم مره مميز ومكان يستحق التجربة
3- ⭐️⭐️⭐️⭐️⭐️
مطعم بفكره فريده ومميزه التجربة كانت جميله واعيدها للأكل اللذيذ والصوص المميز منيو واحد ، يتقدم للشخص ب 88 ريال – سلطه بالبداية وكانت جدا جدا لذيذ – خبز 🥖 يتقدم مع الصوص لتبع المطعم – فرايز مع برقر اللحم الطعم لذيذ جدا والبرقر جوسي ولذيذ . يحتاج حجز في ايام واوقات الزحمة عن طريق برنامج Requeue
4- ⭐️⭐️⭐️⭐️⭐️
المكان رائع والخدمة ممتازة. الوينرز كانوا جدا لطيفين. المنيو يقدم صنف واحد من البرغر مع صوص وفرايز. الطعم جدا لذيذ والاسعار معقوله. بالتأكيد اعيد التجربة
5- ⭐️⭐️⭐️⭐️⭐️
بكل امانة المطعم لفتني انه يقدم فقط نوع برجر واحد! ،والاحلى القصة تبع المطعم وفكره الدخول برن الجرس🔕 بقيم لكم كل الاطباق اللي موجودة عند ماك اند انزي -ينزل لكم مقبلات مجاناً سلطة لذييذه ومكوناتها فرش مع خبز ميني وصوص السري ١٠/١٠ -برجر العائلة يجي برجر لحم مع بطاطس مبهر لذيذ البرجر حجمه راهي ويشبع صراحه ويسحق التجربة 78﷼ -وجربت منهم السوويت خيال خيال خيال مكس بارد وساخن انفجار نكهات بنهاية اذا حابين فكره مطعم مختلفة و ما يقدمون الا نوع برجر واحد انصحكم فيه ١٠/١٠
6- ⭐️⭐️⭐️⭐️⭐️
التجربة الأولى لي المكان رائع وجميل مطعم ما يخليك تحتار بالمنيو ما عندهم الا برجر يعطونك سلطه بالبداية 10/9 البرجر 10/9 يستحق الزيارة تقريبا الواحد بكون حسابه 89 ريال
7- ⭐️⭐️⭐️⭐️⭐️
تجربة جدا جميلة ، المطعم ما عنده الا وجبة وحدة و هي برقر مع صوص لذيذ جدا و فيه حلا لكن للأسف كان مخلص ، و السلطة رهيبة و تقدم مجاني مع الطلب و مجمل الأكل جدا لذيذ تجربة أكررها مرة ثانية، و أحب اشكر الشاب المحترم اللي عند الباب يسجل الانتظار و أشكر الويتر يوسف على الخدمة الجميلة 👍🏼👍🏼
8- ⭐️⭐️⭐️⭐️⭐️
بدايةً المطعم حاول قدر الامكان يعطيك تجربة استثنائية ، بالنسبة اللحظة الاستثنائية بدأت من نزول طبق السلطة اللي كانت جداً لذيذ وبعدها الفرايز مع الصوص الاستثنائي وبعدها البرجر اللي هو الوحيد في المنيو جودته كانت ممتازة واخترت انه يكون ميديوم ويل وكان اكثر من مرضي. وبعدها نزل الفرنش توست اللي كان لذيذ وتمنيت اني اكله مع قهوة لكن ابد التجربة كاملة تضل استثنائية. هل بكرر زيارتي للمطعم؟! -نعم ان شاء الله في اقرب فرصة..
photo by @macandenzi.sa.on instagram
الموقع
الرياض – حي حطين – مجمع ريفين
