مطعمنا اليوم عبارة عن التزام متكامل
التزام للطعم، للنكهة، للمتعة، وللتجربة المثالية للمطبخ الياباني
مطعم كي في حي حطين بالرياض يقدم لك تجربة مختلفة للمأكولات اليابانية اللذيذة، يشبه في أجواءه جنة من اللذة والنكهات المُشتهاة.
بقاعدة مُعتمدة؛ لا هواتف أثناء زيارتك! وفي عصرنا الحالي هذا ضرب من الجنون لكنه الواقع اللي يقدمه لنا مطعم كي.
تدخل، يعطونك مشروب زنجبيل، مناشف ويطلبون منك بكل أدب إنك تحط جوالك في الخزانة … ديتوكس رقمي رهيب!
بعد ما تتخلى عن العوالق الإلكترونية تبدأ تستمتع بمهارة الطهاة، وتتذوق نكهات تحلّق فيك لعوالم من النكهات، شوربة الميسو أو التوم يم، وأطباق السوشي الملفوف بعناية وحب، والحلويات اللي بتختم بها سهرة متكاملة من لذائذ المأكولات.
مطعم كي يحارب التفضيلات الشخصية وفي الغالب هذا شي مو بيدهم، لأن المنيو عندهم يتكون من مأكولات متنوعة ولذيذة ويصعب معها اختيار طبق واحد أو عدة أطباق حتى كمفضلة عن غيرها
من سلطة المانجو اللي فيها المتعة الاستوائية ولا شرائح التونة فوق عجينة البيتزا الرقيقة! أو ستيك الواغيو … طراوة تشبه الزبدة.
التجربة بشكل عام هذي تغذية عظيمة للحواس، بمفهوم متفرد للحضور، بذهنك وبحواسك وبكلّك لوجبة متناغمة من النكهات.
